سنی یاشاییرام

   ایچیمدن گلدی یئینه یازماق . سنین منده باشلادیغین کیمی باشلاییرام یازماغا...هاردان  بیله بیله ردیم کی سنی بو قدر سئوه بیله جه ییمی. نه سن ؛ سن ایچیمده ؟ بار - بار باغیران، ایمکانسیزلاشدیقجا ایمکانسیزلاشان سئومک می؟ نه  ائتدین منه بیلمیرم. نئجه اولدو دا بوقدر بؤیویه بیلدین ایچیمده  ؟ دوشونجه لریمده باشقالاریندان نه قدر فرقلی سن ، بونو سؤزلری نین درینلی یینه دالاندا آنلایا بیلیرم . سنین هرشئی یینی نئجه  اولور دا بوقدر صاف دوغال و تمیز حیس ائده بیلیرم اینان بو آرادا اؤزومو تانییا بیلمیرم . سنی سئومک آجیسینی دادماق چوخ گوزه ل و سنی گیزلی ده  بیله اؤزله ییب یاشاتماق چوخ ماراقلی... 

   هر سویوق اوشوتمه دییی کیمی، هر اوددا یاندیرانمازمیش اینسانی... اوشویورم؛ آلاو آلاو اوشویورم... ساعاتلارجا سن سیز، تک قالدیغیمدا یانان اوره ییمی سنه باغیشلاییب ، گؤزلرینده  منی قیزدیراجاق اولان آنلاملاری ذهئنیمده یارالدار کن سنده یاشاییرام ...

   مکتوبلاریمدان خبرسیزاولمایان سئوگیلی ؛ ایلکیم سن ، سن منیم ایلک اوره ییمی  جوشدورانسان ، بلکه ده دویغولاریما گوزه للیک وئرن  ومنی بو سطیرلری  یازماغا یؤنه لدن. هارداسان کی ایندی گؤزوم سنی گؤرمور آما اوره ییم بیر آن سنی گؤرمه دن چیرپینا بیلمیر .  سنی نه زامان گؤرجه ییمی بیلمیرم. 

   "اورییمه سوسماغی اؤیره ده جه یم " دئمیشدیم . آما بو سوز کؤکوندن یالان ایدی. سئودی یینی آنلادیقیندا ایچینده دویدوغو سئوگینین یانقیسی هیچ بیتمیر. او هیچ سوسماق باجارمیر... هر گون، هر ساعات منه باغیریر، باغیراجاق، پارچالایاجاق ایچیمی. منیم سه اوزومده او دئدییم  یالان اوچون گولومسه مم تیکرار یئرائدیر ...   

  سنین ؛ سئوگیمیزین باشلانیشیندان بو گونه قدر ده ییشدی یینی بیلمیرم ،اما هر نه ییمی یاخان بو سئوگی  دوغونوشو اوره ییمده آلاولاندیقجا  ایچیمه آخان گؤزیاشلاریمی دیندیریر . بیلیرسن بو یانغی یانماسین سؤنمه ین باشلامیشدی آلاولاری درینلشدیکجه سس سیز یانماغی اؤیره نمیشم . او کور اولمایا یاخیشین آجیسی ایچیمده  نئجه  کئچه ر بیلمیرم.تک بیلدیغیم ، سئوگیلیم بوسئومه یین آجیسی بئله بال کیمی اوره ییمده...

 سنده اوره یینه دؤن اوردا بیر سئوگی چیرپینیر! سسین دینله ییرسن !!؟ کاشکا بیر گول اولاییدیم منی قوپاریب اییله دیکده ووجودونون درینلی یینه گیریب اؤلنه قدر اوردان چیخمایایدیم  .

گولو بیر دفه سنی مین دفه ؛ گولو سولونجا ، سنی اؤلونجه سئون ایستک اودو ایله یانانین ...

" سنی مین یاشا "

تورونتو تورک فئستیوالیندان

کئچن هفته سونو آگوست آیینین 5 و 6-سیندا کئچیریلن فئستیوالدا تورک خالق موسیقی و رقصلری، تورک مطبخی نین دادی، خالق ماهنیلاری، ال صنعت لری فئستیوالا قاتیلانلارا سونولدو. آذربایجان آدینا اسماعیل حاجی یئو-ین رهبرلیک ائتدیگی قاراباغ موسیقی قوروهو، تبریز-دن ده آراز رقص قوروهو کولتوروموزدن نمونه لر گؤرستمه یه چالیشدیلار. داها یئنی الیمیزه چاتان مهدی صفرپور -ون گارمان سی دیسی فئستیوالا گؤزل بیر آذربایجان روحیه سی گتیرمیشدی. دوغو تورکوستاندان ایسه بیر رقص گؤستریسی اولدو.
پروگرامدا تورونتو بؤیوک شهر بلدیه باشقانی مختلیف کولتورلرین تورونتو-نو داها گؤزل و یاشانیلاجاق بیر یئره گتیریب چیخاردیغیندان و تورک کولتورونون ده بونا قاتقیسی اولدوغوندان ممنونلوغونو بیلدیردی.