سئوگیلی لر گونو هامی سئوگیلی لره قوتلو اولسون

 اوز بایراقیمیزین آلتیندا یاشاماق آرزوسیله

 

عهدنامه باقلاندي

ماراقلي بير گجه ده، كونول ماراقلاندي
اولدوزلي ماوي گويي گوز، گوروب شافاقلاندي
كونول دوگنمه كيمي، ال گديپ يازاقه ساري
يازيلماقا ميزين اوسته، كاغاذ وراقلاندي
كونول آقيدي كاغاذ آق، شافاقلي گوزگي تكين
يازاق بير ائلچي اولوب ايكي آق آداقلاندي
كونول يارالي سوزين، توكدي آق كاغاذ اوسته
اوجور كي قاره بلوتدان ماوي گوي، قاراقلاندي
يازاندا من گوزليم، گوزلرين حكايتني
ايكي خمار گوزيله، گوزلريم ياناقلاندي
باخيشي چكدي مني سالدي عشق تللسنه
اووقتدن بيليرن!عهدنامه باقلاندي
ايكي يارالي گوزل، باخديق هي بيري بيرينه
اورك قان اولدي، ايله بيل، قان چاناقي چاقلاندي
ديديم او سوگولومه، دانيش آچيلسين اورك
آلا گوزيله ديدي، ديليم قاداقلاندي
اودم غضب گليبن قانلي باقريمي ياردي
ديديم عجب گوزليم، ديل داماقه باقلاندي
قاشي قلم اولوبان گوز مركبين كاساسي
قاني مركب اولوب غم غمه قالاقلاندي
او سوگي اوز آديني يازدي كي كاغاذ اوسته
اويازغيدان بو اورك سينمده داغلاندي
آدي اولال گوزلين. آذربايجاندي
بو آدي گورمه كيمين ياش بولاقلاندي
ديديم گوزل دي گوروم سن منيم گوزل آنامان!
باشيلا سويلدي بعلي، ديليم ياساقلاندي!
او لال آناملا اودم جان ديب قوجقلاشديم
ال اله باقليبان، قول بويون دولاقلاندي


دولقون زنگانلي